近呢几年，内地同胞都经常来到香港扫奶粉，想当然喺现时呢个世代嚟讲，虽然婴儿嘅人数增长渐慢，不过，父母使钱落仔女身上一啲都唔孤寒，大家话系咪？睇番各大补习班、奶粉、英文班、兴趣班嘅生意蒸蒸日上，Prof. J自必然会留意一吓有关儿童业务嘅公司。

　　青蛙王子（01259）算系只半新股，品牌系内地比较大型嘅儿童护理产品品牌，主要负责喺中国设计同销售自有品牌嘅儿童护理产品，大有「中国PG」之势！集团嘅产品包括护肤产品、沐浴洗发产品等等。另外，集团为分散自有品牌风险，亦都自营自己嘅婴儿护理产品、家庭卫生产品同成人护理产品，同埋OEM产品。

　　站稳儿童护理市场

　　回顾二○一○年，在所有中国的内地品牌中，集团的青蛙王子品牌是内地领先的儿童护理产品品牌，按零售额计算，于护肤产品、沐浴洗发产品及口腔护理产品市场均拥有最大份额。

　　集团上市前，已经不断宣传自己嘅良好信誉，具有消费者支持嘅产品，潜力当然与别不同啦，系咪？另外，集团成立特别专案小组，不断加强产品质素同安全，尤其喺监管日益严格嘅儿童产品市场底下，呢点尤其重要。集团近几年盈利增长唔错，一二年预期市盈率仅6.4倍。继续追踪、出发！